2017-04-21

Xarici işlər naziri Elmar Məmmədyarov İtaliya Beynəlxalq Təşkilat Cəmiyyətində (SİOİ) çıxış edib

Xarici işlər nazir Elmar Məmmədyarov İtaliyaya rəsmi səfəri çərçivəsində Romada yerləşən İtaliyanın ən qədim və nüfuzlu beyin mərkəzlərindən olan İtaliya Beynəlxalq Təşkilat Cəmiyyətində (SİOİ) olub.

Nazir Elmar Məmmədyarov İtaliyanın sabiq xarici işlər naziri və SİOİ-nin prezidenti Franko Frattini ilə birlikdə Azərbaycan və İtaliya arasında diplomatik münasibətlərin qurulmasının 25-ci ildönümünə həsr edilmiş foto sərginin açlışında iştirak etdi. Sərgiyə iki ölkə arasında diplomatik münasibətlərin tarixinin ən maraq kəsb edən məqamları, o cümlədən həyata keçirilmiş yüksək səviyyəli səfərlər, Azərbaycan həqiqətlərinin və mədəniyyətinin təbliği istiqamətində İtaliyada təşki olunmuş tədbirlərə dair fotoşəkillər, habelə münasibətlərin tarixini əks etdirən sənədlərin surətləri daxil edilmişdi.

Ardınca SİOİ-də Azərbaycan-İtaliya arasında diplomatik münasibətlərin qurulmasının 25-ci ildönümünə həsr edilmiş konfrans keçirildi. Konfransı giriş sözü ilə açan Franko Frattini ölkəmizə çoxsaylı səfəri ilə bağlı təəssüratları, Azərbaycanın regional və beynəlxalq siyasətdəki rolu barədə təqdimat xarakterli məlumat verdi. 

Sonra çıxış edən İtaliya xarici işlər nazirinin müavini Benedetto Della Vedova İtaliya-Azərbaycan əməkdaşlığının möhkəm zəmin üzərində qurulduğunu və strateji tərəfdaşlıq səviyyəsinə yüksəldiyini deyərək iki ölkə arasında əlaqələrin hərtərəfli inkişaf etdiyini diqqətə çatdırdı.

Çıxış əsnasında xarici işlər naziri Elmar Məmmədyarov Azərbaycanın xarisi siyasətinn prioritetləri və Azərbaycan-İtaliya münasibətlərinin inkişaf perspektivlərinə toxundu. Bu xüsusda nazir Elmar Məmmədyarov ölkəmizin müstəqllik tarixi, Ermənistanın Azərbaycana qarşı təcavüzü və onun ağır nəticələri, münaqişənin həlli üzrə nizamlanma prosesi, enerji və nəqliyyat strategiyası, o cümlədən TANAP və TAP layihələri, beynəlxalq sülh və təhlükəsziliyə töhfələrimiz, multikulturlizm və dinlərarası dialoqun təşviqi, Azərbaycanın İtaliya və Avropa İttifaqı ilə əlaqələri barədə ətraflı məlumat verdi. Çıxışın ardınca E.Məmmədyarov auditoriyanın çoxsaylı sullarını cavablandırdı.

Tədbirdə İtaliya parlamentinin üzvləri, beyqnəlxalq münasibətlər və beynəlxalq hüquq sahəsində alimlər, tədqiqatçılar, İtaliyada akkreditə olunan diplomatik korpusun üzvləri və mətbuat nümayəndələri iştirak edirdilər.

http://mfa.gov.az/news/909/4853 

Arxiv üzrə axtarış